تفعيل ويندوز

هوة انت تحتاج تفعل وندوز؟

لا ما تحتاج

تگدر تستعملة طبيعي بدون تفعيل، بس عندك ملاحظات بسيطة:

غير هذني الشغلات، كلشي يشتغل طبيعي: التحديثات، التطبيقات، و الأداء.

بعدك قافل تريد تفعله؟

اكو اكثر من طريقة راح ارتبلك اياهن، من الأغلى إلى الأرخص:

  1. تشتري نسخة أصلية من مايكروسوفت
    اذا انت زنگين و مستعد تدفع فوك 100 دولار علمود تشيل علامة التفعيل، توكل، ما راح اكلك لا.

  2. تشتري مفاتيح تفعيل من النت
    المفاتيح يشتغلن حالهن حال النسخ مال وندوز، اكو حتة مكاتب حاسبات تبيعهن. المشكلة مالتهن الطريقة الي يتحصلن بيها شوي مشبوهة اذا انت تهتم لهاي السوالف.
    إذا مهتم بهاي الطريقة، شوف هالفيديو من TechYesCity.

  3. استخدام مفتاح تفعيل قديم لويندوز 7 أو 8
    اذا عندك مفتاح تفعيل قديم مال وندوز، او اكو ملصق عالحاسبة مالتك مال مفتاح، فعالأغلب يشتغل طبيعي اذا تريد تفعل بي وندوز 10 او 11.

  4. استخدام سكريبت تفعيل
    حاليا اغلب الناس يستعملون هالطريقة. مجانية، وسهلة. لكن تعتبر قرصنة اذا انت من هذول الناس الميحبون القرصنة.
    أشهر سكريبت حاليًا هو Microsoft Activation Scripts (MAS), مفتوح المصدر، يعني اذا تخاف منة تگدر تقرة الكود مالتة و تشوف شنو يسوي، و دايما يتحدث يعني دايما يشتغل.

زين شنو الفرق بينهن؟

ماكو فرق، بالاخير جهازك يشتغل بنفس الطريقة بالضبط، انت اختار اليعجبك و بس.

روابط و مصادر