شايف من تجيك فكرة عقبرية تسوي موقع الكتروني لو سرفر ماينكرافت علمود تلعب وية اصدقائك تجي تدخل من حاسبتك يشتغل طبيعي تدخل من غير حاسبة على نفس الشبكة هم يشتغل طبيعي تجي تدخل ال IP مالتك من غير شبكة ميشتغل هنانة تزعل و تبطل زين شنو المشكلة بالضبط ؟
اغلب الراوترات علمود الامان يحجبن الاتصالات الخارجية للشبكة مالتك، فراح يگلولك الحل تفتح بورت خارجي من الراوتر، يعني تدخل على اعدادت الراوتر تدور على (Port Forwarding)تخلي الايبي (IP) مال جهازك الي بي السرفر و تحدد رقم البورت الي تريد تفتحه، مثلا اذا سرفر ويب راح تفتح بورت 80 او 443 و اذا سرفر ماينكرافت تفتح 22565 او تفتحهن كلهن
طبعا تگدر تختبر اذا البورت مفتوح باگثر من طريقة اسهل طريقة تشوفلك موقع الكتروني مثل هذا.
المهم انت راح تسويهه و علاغلب ما راح يصير
اكو مزودين خدمة يحجبون بورتات علمود الامان لو علمود يقللوم سوء الاستخدام اكثر شي يحجبون بورت 80 (HTTP) و بورت 25 (SMTP) هاذ 25 مال سرفر ايميل علمود يقللون من سرفرات ايميلات السبام
تگدر تجرب بورتات مختلفة او تتواصل وية مزود الخدمة علمود تشوف اذا يفتحوهن الك بس هماتين عالأغلب مراح تحصل جواب او حل
معناهه الايبي مال شبكتك مو مالتك انتة بس جاي يتشارك وية اكثر مستخدم، شغلة شائعة حالياً لأن الايبيات ما تكفي المستخدمين بالعالم كلة، تگدر تدخل عالراوتر و تقارن ال WAP IP وية الايبي مالتك (Public IP) اذا يختلفن يعني انت محجوب من ورة ال CGNAT.
شسوي بهاي الحالة؟
خدمة النفق شتسوي؟ تاخذ البيانات من النت و تعبرهه لسرفرك عن طريق سرفر خارجي عندة ايبي عام (Public IP) من تسوي هيچ محد يگدر يحجبك لا راوترك ولا مزود الخدمة.
شنو تگدر تسوي؟
شوف خياراتك هنا هنا
خياراتي الي انة استعملهن:
خدمة معروفة و تشتغل كلش زين، شركات عالمية تستخدمهه، بس بيهه شغلتين شوي يضوجن:
كلش سهل و بسيط تگدر تسعملة لأي شي تقريباً مجاني لحد سرڤرين 4 بورتات TCP و 4 UDP اذا تريد ازيد لازم تدفع.
فتح بورت عن طريق ال VPN اذا جاي تدفع فلوس علمود فد VPN براسة حظ, احتمال عدهم خدمة يفتحولك بورتات، بس مراد هالشغلة شوي محدودة، تفيدك اذا ما تريد تفتح بورت معين، مثلا للتورنت تفيدك
بروكسي عن طريق سرفر افتراضي (VPS):
اذا عندك سرفر افتراضي، بدل ما تستضيف نفق علية تكدر تستخدمة كسرفر بروكسي, كل بياناتك تعبر من خلالة و الايبي مالتة يصير مالتك، اكيد هالشغلة ما بيهة امان لان جاي تفتح بورتاتك كلهن فيعني كون تعرف شنو جاي تسوي نسبيا.
هاي الطرق كلهة مو اَمنة، اذا تشغل طلطعش خدمة بورتاتهه مفتوحة على سرفر واحد، اي ثغرة بخدمة من الخدمات تعرض السرفر للخطر المفروض علمود تحمي نفسك تقوي النظام مالتك و تزيد الحماية البي، و اذا اصلا هاي الخدمات متريدهه مفتوحة للعامة او تريدهه بس الك، يفضل ان تسوي VPN يربط اجهزتك وية بعضهن و بس اي واحد من برة ما يشوفهن.