لا ما تحتاج
تكدر تستعملة طبيعي بدون تفعيل، بس عندك ملاحظات بسيطة:
غير هذني الشغلات، كلشي يشتغل طبيعي: التحديثات، التطبيقات، و الأداء.
اكو اكثر من طريقة راح ارتبلك اياهن، من الأغلى إلى الأرخص:
تشتري نسخة أصلية من مايكروسوفت
اذا انت زنگين و مستعد تدفع فوك 100 دولار علمود تشيل علامة التفعيل، توكل، ما راح اكلك لا.
تشتري مفاتيح تفعيل من النت
المفاتيح يشتغلن حالهن حال النسخ مال وندوز، اكو حتة مكاتب حاسبات تبيعهن. المشكلة مالتهن الطريقة الي يتحصلن بيها شوي مشبوهة اذا انت تهتم لهاي السوالف.
إذا مهتم بهاي الطريقة، شوف هالفيديو من TechYesCity.
استخدام مفتاح تفعيل قديم لويندوز 7 أو 8
اذا عندك تفعيل قديم مال وندوز، او اكو ملصق عالحاسبة مالتك مال مفتاح، فالأغلب يشتغل طبيعي اذا تريد تفعل بي وندوز 10 او 11.
استخدام سكريبت تفعيل
حاليا اغلب الناس يستعملون هالطريقة. مجانية، وسهلة. لكن تعتبر قرصنة اذا انت من هذول الناس الميحبون القرصنة.
أشهر سكريبت حاليًا هو Microsoft Activation Scripts (MAS) — مفتوح المصدر، يعني اذا تخاف تتهكر تكدر تقرأ الكود مالتة و تشوف شنو يسوي، و دايما يتحدث يعني دايما يشتغل.
ماكو فرق، بالاخير جهازك يشتغل بنفس الطريقة بالضبط، انت اختار اليعجبك و بس.
سكربتات تفعيل مايكروسوفت (MAS)
إذا تريد تعرف بعد عن هالموضوع، شوف هالفيديو من Linus Tech Tips