مشكلتي شنو؟
أريد أحافظ على بياناتي الرقمية. ضيّعت بيانات قبل، وما أريدهه تنعاد، فأريد أخلي نسخ احتياطية من غراضي، ويفضّل أكثر من نسخة. وأريدهه شغلة تلقائية، ما تريد أتعب روحي.
سهلة مو؟
عندك گوگل درايڤ (Google Drive)، ون درايڤ (OneDrive)، وجماعتهم حل بسيط وموجود من زمان، بس عندي شكم مشكلة وياهم:
فكرة حلوة، بس أنة مو عاطل لهالدرجة، وحتى لو چنت عاطل لهالدرجة ما أريد أعيش حياتي هيچ. هيّة مشكلة بسيطة، أريد حل بسيط. هوة إنّه شعندي شكم مستند وشكم صورة أريدهن ما يضيعن. تعال جيبلك سرفر شغّال أربعة وعشرين ساعة علمودهن؟ ليش؟
تعال شوف سنك ثنگ (Syncthing)
معناهه الشسمة مال مزامنة، لأن هوة شسمة برنامج يزامن ملفاتك بكل سهولة، مجاني وما بي أي قيود.
كل اللي عليك، تثبّت البرنامج على جهازين وتربطهم سوّه بالبرنامج. بعدين تضيف الفولدرات اللي تريد تزامنها. وطالما البرنامج شغّال، والجهازين متصلين، راح يزامن الملفات تلقائيًا. إذا كانوا على نفس الشبكة، يستخدم الشبكة المحلية. وإذا لا، يستخدم سيرفر مال تحويل.
تنبيه زغيروني: الإعدادات الافتراضية مال البرنامج هي: إذا مسحت ملف من جهاز، راح ينمسح من الجهاز الثاني بعد التزامن. تگدر تغيّر هالسلوك من الإعدادات المتقدمة مال البرنامج بالواجهة.
البرنامج إله تطبيقات رسمية لكل الأنظمة ما عدا iOS. إذا عندك آيفون ومهتم بالموضع، شوف هالمقال يحچيلك عن تطبيق مو رسمي براسة حظ.